Më në fund është përzgjedhur edhe kënga që do të shoqërojë Partinë Socialiste gjatë fushatës elektorale. Kryeministri i Shqipërisë, Edi Rama ka uruar “Mirëmëngjesi” këtë dielë me këngën e përzgjedhur mes 1797 propozimeve, që do t’i shoqërojë në rrugën drejt 18 qershorit.
Pasi ka surprizuar një ditë më parë me listën e kandidatëve për deputetë në të gjitha qarqet e vendit, për zgjedhjet parlamentare të 18 qershorit, Rama sjell edhe këngën e cila është ajo e David Guetta ft. Zara Larsson me titull “This One’s For You Albania” , kënga zyrtare e EURO 2016.
“Kënga, mes 1797 propozimeve është përzgjedhur të na shoqërojë në rrugën drejt 18 qershorit të Fitores2017”
Ja statusi i plotë
MIRËMËNGJES
dhe ju uroj një të djelë të qetë me këngën që mes 1797 propozimeve është përzgjedhur të na shoqërojë në rrugën drejt 18 qershorit të Fitores2017
Shorti për ndarjen e çmimeve të fituesve mes propozuesve të kësaj kënge fantastike do të hidhet gjatë Kongresit të Partisë Socialiste, që do te zhvillohet në Ditën e Europës, më 9 Maj ”.
